一人分飾幾角

於家裡，我是一個終日沉迷於日劇番組的宅女。

於三姊妹，我是一位無所不談且永遠年輕的妹妹。

於OFFICE，我是一位不務正業的OL。

於NASU ，我是一位努力維持(莊內) 福利的熱血笨蛋。

於NAOC，我是一位口沬橫飛，偶爾講野夾帶三字經的惡女。

於"阿拉西教"，我是一位花心大根，不要迫我於ARASHI 與山P 兩者作出取捨。

不同的人群，不同的相處方式，不同的思考方式，不同的溝通語言。

但是依然都只是一舊魚頭，我就是我。

我不想當公主，我不用所有人一齊為我慶生，當幾個互不相干的人聚在一起，我不知該同那一個我去面對大家，唯有戴起面具，當一個OL 版的魚頭，只是OL版的我根本不是真實的我，平日戴起面具做人已經很辛苦，我實在很抗拒於我的大日子都要努力思考大家有冇共同的話題，令在場的氣氛不致於DEAD AIR，只是大家來自不同的世界，根本就冇可能有相匯點，尤其是於只有一面之緣的人面前，SORRY呀 ~ 我真的 ~ 難聽D "同你好熟呀 ~ 幹嘛來我的生日會!" ，仲有我有自知之明，於熟人面前的我 ~ 某角度而言，都幾嚇人的。熟的就見慣不怪，陌生的唔O咀就怪啦 ~

不如俾我做番一個真正的魚頭，簡簡單單的跟一堆互相早已認識的朋友聚舊，沒有隔閡，痛快的吹水，講下近況，順道緬懷舊事一番，這才是我想要的。我 ~ 過了想去老麥大肆慶祝的年紀，也距離去酒樓擺大壽的年齡尚有好好好大段距離，換句話說，大堆頭的慶祝活動 ~ NO THANK YOU，都是低調的吃餐飯就好了。

感激某人 ~ 令我明白想要的生日慶祝方式是甚麼 ~ ALSO , your arrangement ~

以上~

最後一個二字頭的壽宴

首先 ~ 好多謝HATTY ~ JOE ~ 娘娘 ~ EVA 同埋好耐冇出現的黃生同我慶生，雖說早了一個星期，但係真係好開心，大家容許我任性，俾我食我想食的野 ~

(當我看見大家看見舊AWFULLY CHOCOLOATE 的蛋糕臉有難色的時候 ~ 真係想講聲唔好意思。)

差不多八點開飯，食到成十點幾，ANGUS 真係好有義氣，我都知佢想回家看曼聯大戰利勿浦，卻因為我只可以睇下半場，席間仲要不斷俾我潑冷水。簡略講講昨晚的吹水內容 ~

1. 零小姐突然出走首爾的事件。當然被審的就是ANGUS，其實作為他倆的朋友，事情發展至此，有D 唏噓。太明白ANGUS 是咩人，亦明白ZERO，也許真的理解，所以真係的不知可以講些什麼。

2. MR & MRS CHUNG 的心水MC 組合ANGUS + ANGEL，真的不得不佩服ANGUS 的心水清且果斷，他當面一口拒絕了，原因，他拍ANGEL 於 WEDDING DINNER 當MC，一定不自覺的爆粗 (唔係爆肚) ，果然於昨晚的DINNER，佢同ANGEL 你一言我一語，真的夾雜大量粗口，就係因為大家太熟，且知道大家絕對WELCOME ，所以可以肆無忌憚爆得痛快，連MR. & MRS CHUNG 看見昨晚的盛況也忍不住講句 ~ "真係唔好搵佢地兩位做MC，唔係嚇親我D 親戚 & 爸爸的生意上的朋友!"

3. 此外 ~ 於等位中，我地三位 (娘娘、ANGEL & 我) 圍住MR. CHUNG (當時MR. CHUNG 坐著，而我地三位就企了起度)，盤問當日BROTHER 團的PROFILE，當知道當中一位SINGLE 且年齡相近者都冇的時候，我地除下我地溫文婉雅的面具，並立即露出狐狸尾巴 ~ 嘿嘿 ~ 你地一月準備受死吧啦!

4. 當ANGUS 向MR. CHUNG 關心一下姊妹團的名單，MRS. CHUNG 指指我地三位美女的時候，大家可以想像，ANGUS 的反應是什麼嘛!

好多謝 ~ MR. & MRS. CHUNG 送的禮物，我知道兩份禮物唔平，但是最重要的佢地的心意更大! 因為好中 ~ 好明顯 MRS. CHUNG 好留意我的BLOG ~ 好清楚我的近況。

禮物一 ~

依份禮物 ~ 如果我起K 房依D 隱蔽地方收，我肯定會尖叫，只是酒樓如此OPEN 的地方，我點都要有D 矜持 (嘔)，真的，因為我真係恨了好耐，最重要的是 ~ 依份野一定是MRS. CHUNG 早前於英國旅行買的! 你真係好有我心 ~ 我決定下星期去看"尋找簡東拿" 時至戴住入戲院!

禮物二 ~ 明的人會明 ~ 唔明的人就不用明箇中的原因。(果然好經常睇我的鴉烏BLOG。)

但係 ~ 美中不足的是 ~ 放飛機率也未免太高，當娘娘同我講有十個人來，我真係幾開心，好小咁人齊，但係可能我太清楚大家的習性，我知道實際出席人數不會那麼多，果然中了，雖則預料之中，但情況比我想像中還要糟，所以有D 唔開心且失望。至少有一位 ~ 佢冇出現 ~ 我都幾SURPRISE LOR!

後話 ~ 今日我好沮喪的SENT 了一個MESSAGE 俾ANGUS ~ 內容如下

ANGUS

SORRY 尋晚令你未能準時回家睇利身浦 (於劣勢下) 大炒曼聯 2:0!

收皮中的魚

07年新亞畢業班代拍的YOUTUBE (2)

新亞飯局

又是笑到反肚 ~ 抄志雲飯局抄得好有NA STYLE! 以我對鄧經理的認識，畢業班代真係找對人啦!

我同鄧經理有幾熟，我依家番NA 佢都認得出我是魚頭兼專誠吹番兩咀，而我就順手痴下免費汽水呀 ~ 蛋牛冶食! 哈 ~ 哈 ~

1. 食了三年，窮飯堂富餐廳也吃過N百遍。為什麼我未見過依D 菜色!

2. $3 蚊紅豆冰 ~ 真的是NA CAN 的招牌

3. NA CAN 的溫暖 ~ 夜晚九點三，敲敲NA CAN，師傅立即弄新亞教職員餐廳級數的干炒牛河出來，依D 真係只有搞開活動的人先領略鄧經理和師傅的好! (當然要佢地兩位識你先有依個特權啦!)

報名太遲

歌詞改得好! 新亞人聽了點都會有共鳴 ~

祝賀語

SORRY ~ 除了鄧經理，森美，我不知道其他人是誰! (羞逃)

完 ~ 花了兩小時睇片並打依篇野出來，很花時間，但是我好開心，因為我真的很愛新亞，加上07年的畢業班代真的很用心去為大家製作依幾段片出來!

謝謝你們 (07年的畢業班代)

謝謝你們 (賞面睇我的XANGA / FACE BOOK的!)

07年新亞畢業班代拍的YOUTUBE (1) (正!)

於方兄的XANGA發現了一個

新亞書院的樓盤廣告 ~

原來NA 真的是一處福地喔! 點解我住了三年又唔見我發達?

另外，抄愛康健的都要一絕，於學思樓前講 "宿舍要開放!" 我立即笑到反肚!

睇完一個，發現原來當年畢業班代拍了蠻長的，不脫一貫搞笑的傳統。我是都係逐一貼出來吧!

最緊要正字 ~ (掂呀 ~ 竟然搵到正牌最緊要正字的靚仔粉墨登場，勁!)

(真的，主持的演技有待磨練，不過誠意與創意爆棚，抵讚!)

1. 會友 X

其實我於YEAR 2 先知嗰個字係咩字!

2. 我食了NA CAN 三年都發現唔到原來個水牌咁多錯別字。好彩我可以擺我係奸商管理系的籍口上檯。只是，點解我考鐵飯碗中文的時候會PASS的? 真係奇蹟呀!

3. 售 X

其實我都唔識寫。(汗)

頭條新亞

院長連任 ~ BAR CODE 很久不見!

不過，聽佢的訪問內容，真係好悶，我八百年前已經知道啦!

書院精神，同志們你知咩叫新亞精神嘛?

新亞畢業晚會? 我三年未見過，想問依家學生活動基金大把錢呀?

宿舍二轉三，嗯 ~ 畢業班代真係拍得很到肉，我地依D 老鬼真係幸福啦! (呵~ 呵)，仲有睇了段片，重溫以前紫霞樓的生活。嗯 ~

第二節

追校巴 ~

畢業班代真係好細心，我真係冇留意個大鐘是虧的! ~~~ 因為我都係睇手表的，仲有 ~ 去本部上課我都係跑落山的! 嘿 ~ 嘿 ~

三年一莊 ~

我作為學生會老鬼真的有野講，三年一莊真的是怨咒，只是 ~~~ 又如何，我要的是一個肯為同學服務，而唔係為了自己必然有宿或者從中獲得利益的莊，我地當日作為莊員俾老鬼插到趴街，不過今日的學生會更是令人失望!

看著新莊，結巴巴的講抱負，食哂鏍施， 擺明是亂UP 啦! 我真係想成杯 NA CAN 紅豆冰車落佢塊面度!

志文貓 ~

我很想你喔!

未完 ~ 片太多，太多野想講 ~

如果有一日你於公司收到以下一封EMAIL  ~~~~

於 彎彎BLOG 中發現一張台灣公司發給員工的聲明。

假若大家於自家的OFFICE 收似類似的聲明會有咩反應?

篇聲明表面好幽默，不過仔細咀嚼內容就令員工手心冒汗，一批好食懶飛(好似我咁)的更會想反檯。

我不愛玩FACEBOOK，卻愛上BLOG，自家BLOG 九點開始長開著，天天都要UPDATE一下大家的近況，互通大家都非常關心消息，就是中了邪般，戒不掉偷偷睇BLOG 的習慣，每每閱及一些很爆的BLOG 文和回應，有時會忍不住大笑出來，結果露餡了。SIT ~

好彩 ~ 有時我阿姐好人，扮時運高。真的要謝謝她 ~

我不是一個好員工，我忍著九至五點半不玩MSN 已經好俾面，我堅持要KEEP 住睇BLOG 係為了讓自己透一口氣而己。(真的好大口氣!)

PS ~ 原來FACEBOOK 叫 非死不可 ，個音譯得好準，不過好搞笑。